Eki kúnnen beri Almaty aspanyn ádemi áýezge bólegen "ÁDEMİ ÁÝEZDİ AZANSHY" V RESPÝBLIKALYQ AZANSHYLAR JARYSY óz máresine jetti. QMDB Tóraǵasy, Bas múftı Naýryzbaı qajy Taǵanulynyń qatysýymen ótken rýhanı alaman dodada oza shapqan júırikter marapattaldy. Kil júırikte kim júırik tartysty básekede ádil qazylar alqasynyń uıǵarýymen sheshýshi kezeńge ótken alty azanshy arasynan  úzdik úshtikti anyqtaý úshin ózara saıysqa tústi.

I oryn Seıtqanov Qýanysh Bákenuly - Túrkistan oblysy 700 000 tg.

II oryn Áshimov Qasym Abdýmájituly - Almaty qalasy 500 000 tg.

III oryn Imanǵalıev Salamat Nasıhatuly - Atyraý oblysy 300 000 tg.

"Ádemi áýezdi azanshy" V Respýblıkalyq azanshylar jarysyna qatysyp, kórsetken belsendiligi úshin - Ábdimútálip Joraqululy - Mańǵystaý oblysy jáne Sháýdirbaı Erbolat Ergeshuly - Nursultan qalasynan kelgen azanshylarǵa 100 000 teńgeden yntalandyrý syılyǵy tabystaldy. Qatysýshylar ishinde eń jasy úlken azanshy óziniń erekshe únimen daralanǵan "Fıralı Ferǵanuly" meshitiniń 50 jastaǵy  azanshysy Abdýlǵaffar Sırojıddınge "kórermen kózaıymy" nomınasıasymen 100 000 teńge syıaqy berildi. Al qalǵan qatysýshy barlyq azanshylar Bas múftıdiń arnaıy alǵys hatymen birge 50 000 teńge syıaqymen marapattaldy.

"Ardaqty Paıǵambarymyz (oǵan Allanyń salaýaty men sálemi bolsyn) hadısinde: "Kimde kim jeti jyl boıy saýabyn úmit etip azan aıtsa, ol tozaq otynan qutylady", dep súıinshilegen bolatyn. Qyzmetińizge tabys, otbasyńyzǵa amandyq, denińizge saýlyq jáne ómirińizge bereke tileımin", - delingen Bas múftı alǵys hatynda.

Qasıetti juma kúnimen qatar kelgen jarys sońynan jeńimpaz ádemi áýezben azan aıtyp, jamaǵatpen juma namazy oqyldy. Bas múftı Naýryzbaı qajy Taǵanuly el amandyǵy men tynyshtyǵy úshin bata jasap, duǵa tiledi.

Almaty Ortalyq meshitiniń baspasóz qyzmeti