Almaty qalasy boıynsha Ekonomıkalyq tergeý departamenti "Reıderlik" baby boıynsha Bolat Nazarbaev pen onyń burynǵy áıeli Maıra Qurmanǵalıevanyń ústinen qylmystyq is qozǵady. Bul týraly jýrnalıs Mıhaıl Kozachkov óziniń telegram -kanalynda málim etti.
Jýrnalıs tıisti aryzdy Karuan JSHS quryltaıshylarynyń biri boldym, keıin úlesimdi tartyp aldy degen Nursha Kákenov esimdi azamat jazǵanyn, ol tartyp alynǵan úlesin 150 mıllıon dollarǵa baǵalaıtynyn aıtady.
"Ashyq derekterde Karuan kompanıasy Mańǵystaý oblysynda marganes óndirýmen aınalysqan delingen. Egov.kz bazasyndaǵy derekke súıensek, 2006 jyldyń basynda Nursha Kákenov shynymen de kompanıa ıeleriniń biri bolǵan, alaıda sol jyly-aq JSHS-niń jalǵyz quryltaıshysy eks-prezıdenttiń inisi bolyp shyǵa keledi. 2018 jylǵy aqpannan bastap fırma eki zańdyq tulǵaǵa tıesili. Onyń biri – "Orta-Azıalyq ınvestısıalyq konsaldıngtik kompanıa, ekinshisi – Kıprde tirkelgen ILMAX LTD kompanıasy. Karuan JSHS 2021 jyly uyzmetin toqtatqan" dep jazady jýrnalıs.
Pikir qaldyrý