Qańtar oqıǵalarynan keıin qamalǵandardy azaptaý faktileri boıynsha arnaıy jáne quqyqqorǵaý organdarynyń 15 adamy kúdikke ilingen. Bul týraly Bas prokýratýranyń Qylmystyq qýdalaý qyzmetiniń bastyǵy Serik Shalabaev málim etti.
Onyń aıtýynsha, arnaıy prokýrorlar rezonons týdyrǵan 8 isti tergep jatyr. Ol boıynsha 15 adam kúdikke ilinip, 9-y qamaýǵa alynǵan.
Sondaı-aq ol útikpen azaptaý isi boıynsha 25 jábirlenýshi anyqtalǵanyn, jábirlenýshiniń bári uqsas tásilmen azaptalǵanyn aıtqanyn jetkizdi. Osy derekke qatysty bes polısıa qyzmetkeriniń qatysy bary anyqtalyp, olardyń úsheýi kinásin moıyndaǵan.
Serik Shalabaev azaptaý faktileri boıynsha tergeý barysynda birqatar qıyndyq týyp jatqanyn, azaptaýshylar maskamen nemese arnaıy qyzmettik kıimsiz bolǵandyqtan jábirlenýshiler ózderin azaptaǵandardy tanı almaı jatqanyn atap ótti. Sózinshe, polısıa ǵımarattaryna shabýyl jasalǵanda qural-jabdyqtar búlingendikten, is boıynsha vıdeojazbalar joq.
Pikir qaldyrý