Almaty prokýratýrasy sábı satý týraly qylmystyq isti tergeý jumystarynyń mán-jaıyn aıtty, dep jazady KTK telearnasy.

Saıtta sábıinen bas tartqandarmen qosa, asyrap alǵysy keletin kelinshekterdiń de ótinishteri kóptep júr. Degenmen quzyrly oryndardyń quryǵyna ilikken jeli qyzmetkerleri izin jasyrý úshin paraqshalaryn óshirip úlgergen. Zańsyz áreketke barǵandardyń isi endi sotta qaralmaq.

Anyqtalǵandaı, saıt 2013 jyly tirkelipti. Biraq elde jumys júrgizgenine jarty jyl ǵana bolǵan. Sonyń ózinde jasyryn áreketin sátti júrgizgen. Saýdaǵa túskenderdiń deni – 1 jasqa deıingi balalar. Al óz nárestesinen jerip, saýdaǵa salǵandar – 20 ben 35 jas aralyǵyndaǵy áıelder. Qolǵa túsken eki kelinshektiń biri Almaty qalasynan bolsa, ekinshisi Túrkistan oblysynyń týmasy eken.

– Birinshisi sábıdi basqa ata-analardyń qolyna bergen fakti anyqtaldy. Ekinshi fakti boıynsha dúnıege ákelgen ana balany basqa ata-anaǵa berýden bas tartty. Onyń óz ata-analary baǵyp qaraıtyn boldy. Qazirgi tańda Alataý aýdany boıynsha sábılerdi satý ıa bolmasa satyp alý faktileri anyqtalǵan jeli áshkerelengen bolatyn. Bizdiń usynysymz tolyǵymen qanaǵattandyryldy. Qazirgi tańda ol saıt toqtatyldy, – deıdi Alataý aýdanynyń prokýrory İzbasar Masaqbaev.