Bıyl musylmandar úshin qasıetti Qurban aıt 9-shy shildege belgilengen. Osyǵan oraı Bas múftı kásipkerlerge úndeý jasady dep habarlady Astana telearnasy.

Ol azyq-túlik pen mal baǵasyn ósirmeýdi, halyqtyń qaltasymen sanasýǵa shaqyrǵan. Sondaı-aq bıyl da qurbandyq shalý el aýmaǵynda oflaın jáne onlaın rejımde júzege asatynyn aıtqan. Bul baǵytta arnaıy saıt jumys istemek.

"Ústimizdegi jyldyń jyl sanaýy boıynsha 8 shilde kúni Alla qalasa arafa kúni bolady. Al endi qurban aıt merekeseniń alǵashqy kúni, Alla qalasa Qurban aıt kúni ol toǵyzynshy shildege kelip otyr. Alla taǵala barshamyzdyń tilegimizdi-nıetimizdi qabyl etsin", dedi Naýryzbaı qajy Taǵanuly. 

Onlaın túrde qurban shalam deýshiler qurban2022.kz saıty arqyly qurbandyq malyn tańdap, kórsetilgen rekvızıtke qajetti qarajatty aýdara alady. Qoı men eshkini jeke adam, al iri qara men túıe malyn bir nemese 7 adam birigip shalýyna bolady.