Sybaılas jemqorlyqqa qarsy qyzmet búronyń burynǵy qyzmetkeriniń ústinen azaptaý faktisi boıynsha qylmystyq is ashty. Antıkor kúdiktiniń atyn atamady. Jýr.alıst mıhaıl Kozachkov kúdikti Olesá Keksel bolýy múmkin ekenin aıtady.

Kúdikti taǵy bir is boıynsha kúdikti dep tanylǵan Densaýlyq saqtaý mınıstrligi Farmasıa komıteti burynǵy tóraǵasynyń mindetin atqarýshy Larısa Pakty tergeý kezinde ruhsat etilmegen ádisterdi qoldandy dep aıyptalyp otyr.

2017 jyldan bastap 2018 jylǵa deıingi kezeńde tergeý-jedel toby qylmystyq isti tergedi, ol keıinnen qylmys quramynyń bolmaýyna baılanysty toqtatyldy. 2019 jyldyń 6 shildesinde is boıynsha kúdikti L.Iý. Pak qaıtys boldy. 2020 jyldyń 7 jeltoqsanynda Sybaılas jemqorlyqqa qarsy is-qımyl agenttigi Larısa Pak áreketterinde qylmys quramynyń bolmaýyna baılanysty tolyq aqtalǵanyn habarlady. Osy múmkindikti paıdalana otyryp, Sybaılas jemqorlyqqa qarsy is-qımyl agenttigi taratylǵan sybaılas jemqorlyqqa qarsy is-qımyl ulttyq búrosynyń quqyqtyq murageri retinde Larısa Iýn-Boıevna Paktyń týystaryna qaıǵyryp kóńil aıtady jáne keltirilgen zıan úshin resmı keshirim suraıdy" delingen aqparattyq habarlamada.