Almaty qalasy men Almaty oblysynda joǵary laýazymdy memlekettik qyzmetter atqarǵan eks-sheneýnik, kásipker Baǵdat Mánizorov kásipker Ábilákim Mámetovtyń taǵyp otyrǵan aıybyn tolyqtaı joqqa shyǵardy. Bul týraly ol Vremá gazetine bergen suhbatta málim etti.
Buǵan deıin Ábilákim Mámetov quzyrly organdarǵa Mánizorov memlekettik qyzmette júrgende kásippen qatar aınalysyp, ózine 6 mıllıon dollar qaryz ekeni týraly aryz túsirgen.
Eks-sheneýnik Ábilákim Mámetovti naǵyz alaıaq dep sanaıdy. Sózinshe, ol qańtar oqıǵasynan keıin kóptegen qylmystyq isterdiń ashylyp jatqanyn paıdalanyp, aryzdanyp qalýdy oılaıdy. "Shamasy menen ashqa alǵysy keledi" degen kásipker Mámetov óziniń ústinen osymen ekinshi ret aryzdanyp otyrǵanyn jetkizdi.
– 2019 jyly meni antıkor qyzmetkerleri ustaǵanda Alık (Ábilákim Mámetov – red) meniń bajama habarlasyp, 1 mıllıon dollar berse, maǵan kómektese alatynyn aıtypty. Biz árıne onyń kómeginen bas tarttyq. Osyǵan kektengen Mámetov bazarlar, sanatorıı, qoqys oryndaǵy boıynsha ústimnen aryz túsirdi. Sybaılas jemqorlyqqa qarsy qyzmet 1 aı tekseris júrgizip, eshteńe taba almady, – deıdi ol.
Baǵdat Mánizorov Mámetov "qolynda dáleli bolsa, qansha aryzdansa da aryzdana bersin, men "aqpyn" dep otyr. Ol osy áńgimeniń bári jala ekenine, muny Mámetovti basqaryp otyrǵan adamdar uıymdastyryp otyrǵany bolýy múmkin ekenin aıtady.
– Olardyń maqsaty bireý: olar meniń júıkem syr berip, kelissózge baryp, aqsha tólegenimdi qalaıdy. Bul – bopsalaý. Men ózimniń adal esimimdi aqyryna deıin qorǵaımyn, – deıdi Baǵdat Mánizorov.
Pikir qaldyrý