Kásipker Qaırat Boranbaevty qamaý merzimi taǵy 1 aıǵa uzartyldy. Bul týraly Nur-Sultan qalasynyń mamandandyrylǵan aýdanaralyq tergeý soty habarlady.

"2022 jylǵy 8 shildede Nur-Sultan qalasynyń mamandandyrylǵan aýdanaralyq tergeý soty kúdikti Q.S. Boranbaevqa qatysty belgilengen kúzetpen ustaý túrindegi bultartpaý sharasynyń merzimin 1 aıǵa uzartty" delingen sot habarlamasynda.

Qaırat Boranbaev naýryz aıynan beri qamaýda otyr. Ol kvazımemlekettik sektordan asa iri kólemde qarjy jymqyrdy degen kúdikke ilingen.

Qaırat Boranbaev eldegi eń baı adamdardyń qataryna kiredi. Ol "Qaırat" FK baqylaý keńesiniń tóraǵasy. Almatydaǵy Esentai Mall, Esentai Tower, "Almaly" saýda oıyn-saýyq keshenderi, "Rahat Palas" qonaqúıi ıeleriniń biri. McDonald’s Qazaqstan, Reseı franchaızıńiniń basshysy.