Jetisý oblysyna jumys saparymen barǵan Parlament májilisiniń depýtattary, «AMANAT» partıasy fraksıasynyń músheleri Danıar Álimbaev pen Álıa Ábsemetova Alakól aýdanyndaǵy kásipkerlik jáne týrızm salasy ókilderimen kezdesip, Úsharal qalasy áýejaıynyń ushý-qoný jolaǵyn jóndeý barysymen tanysty.

Qazirgi tańda áýejaıda ushý-qoný jolaǵyn jóndeý jumystary qarqyndy túrde jalǵasýda. Áýejaı basshysy Áshirbek Baqytjanovtyń aıtýynsha, atalǵan áýejaı 2018 jyly ashylǵan, jóndeý jumystary byltyr bastaldy, bıyl tolyǵymen aıaqtalady dep josparlanýda.

Osy kúni sondaı-aq, májilis depýtattary birqatar týrısik nysandardy aralady. Atap aıtsaq, Alakól kóli jaǵalaýyn damytýdyń bas josparyna sáıkes sýmen, elektrmen qamtý, káriz júıesin júrgizý qolǵa alynǵan. Bıyl jaǵalaýda 3 iri ınvestısıalyq joba júzege asyrylyp, iri demalys oryndary iske qosyldy. Jalpy sany 100-ge jýyq jańa jumys orny ashylyp, jobalarǵa 3 mlrd. teńgege jýyq ınvestısıa tartylǵan.

– Alakól – óńirdegi týrısik áleýeti zor aımaq. Munda jazǵy maýsymda kólge shomylýǵa mıllıonnan astam adam keledi. Sondyqtan óńirdiń týrısik tartymdylyǵyn odan ári arttyrý úshin kól jaǵalaýyndaǵy ınfraqurylymdy damytý basty mindet. Jerlesterimizden bólek, shet elderden týrıser kelse, ol jetistik, – dep atap ótti májilis depýtaty Danıar Álimbaev.

Jergilikti bılik ókilderiniń aıtýynsha, bıyl jaǵalaýlardy qorshaý jumystary bastalǵan. Aqshı men Kóktuma aýyldyq okrýgterinde jalpy uzyndyǵy 13,4 shaqyrym jaǵalaý qorshalýǵa tıis. Jobanyń quny 6 mlrd. teńgeni quraıdy.

Bul partıanyń saılaýaldy jol kartasynda kórsetilgen josparlardy júzege asyrý aıasynda uıymdastyrylǵan.

Májilistiń baspasóz qyzmeti