Prezıdentke mınıstrliktiń jumysy, sonyń ishinde zeınetaqymen qamtamasyz etý jáne Áleýmettik kodeks ázirleý máseleleri týraly baıandalǵan.

"Qasym-Jomart Toqaevqa Qazaqstandaǵy árbir otbasynyń ál-aýqatyn arttyrýǵa jáne jumyspen qamtý isiniń tabysty bolýy úshin jaǵdaı jasaýǵa baǵyttalatyn jańa áleýmettik saıasat qalyptastyrý tásilderi usynyldy. Tamara Dúısenova memleket basshysyna Otbasynyń sıfrlyq kartasyn jasaý, Áleýmettik qyzmet kórsetý portalyn jáne Áleýmettik qazynashylyq aqparattyq júıesin damytý jospary jóninde aıtty. Prezıdent geosaıası jaǵdaıdyń ózgerýin jáne eńbek naryǵyna qysymnyń kúsheıýin eskere otyryp ázirlengen kóshi-qon saıasatyn damytý josparymen tanysty. Kezdesý sońynda Qasym-Jomart Toqaev áleýmettik eńbek salasyndaǵy ózekti problemalardy sheshý jóninde birqatar tapsyrma berdi. Memleket basshysy jastardy jumyspen qamtý baǵdarlamalarynyń tıimdiligin arttyrý, áleýmettik qorǵaý júıesiniń tetikterin jetildirý qajet ekenin atap ótti" delingen aqparattyq habarlamada.

Buǵan deıin Úkimet azamattardyń keı kategorıalarynyń zeınet jasyn tómendetýdi qarastyratyny, másele jyl sońyna deıin belgili bolatyny habarlanǵan. Qazirgi ýaqytta áıelder úshin zeınet jasy  60-61 jas aralyǵynda.