Sybaılas jemqorlyqqa qarsy qyzmet Jambyl oblysy boıynsha aýmaqtyq departamenti bilim berý salasyndaǵy búdjet qarajatyn jymqyrý faktisi boıynsha qylmystyq isti tergep jatqanyn málim etti.

Antıkor aqparatynsha, departament qyzmetkerleri "Jas maman" jobasy sheńberinde bólingen 171 mln teńgeden astam somaǵa búdjet qarajatyn jymqyrý faktisin anyqtaǵan.

Jobanyń maqsaty kolejder men joǵary oqý oryndaryn neǵurlym suranysqa ıe 100 kásip boıynsha jańǵyrtý jáne bilikti mamandar daıarlaýdyń halyqaralyq tájirıbesin engizý bolatyn.

Qazirgi ýaqytta qylmystyq is sheńberinde birqatar jedel-tergeý is-sharalary, onyń ishinde tıisti saraptamalar júrgizilip jatyr. Oolardyń nátıjeleri boıynsha qylmystyq is boıynsha prosestik sheshim qabyldanatyn bolady.