Qasym-Jomart Toqaevtyń tóraǵalyǵymen Úkimettiń keńeıtilgen otyrysy bastaldy.

– Kúrdeli geosaıası syn-qaterge qaramastan, elimiz bir qalypty damyp keledi. Muny jarty jyldyq nátıjeden kórip otyrmyz. Ekonomıka 3,4 paıyzǵa, al naqty sektor 4,1 paıyzǵa ósti. Ásirese, óńdeý ónerkásibi salasynda aıtarlyqtaı ilgerileý bar. Degenmen, ınflásıa da bir orynda turǵan joq. Qazir bul kórsetkish 14,5 paıyzǵa jetip, 2015 jylǵy deńgeıden asyp tústi, – dedi prezıdent. 

Prezıdent halyqaralyq ınstıtýttar álemdik ekonomıka qarqyny báseńdeıdi degen boljam aıtyp otyrǵanyn, soǵan sáıkes ınflásıa jappaı ósýi múmkin ekenin atap ótti.

– Óńirlik daǵdarystyń uzaqqa sozylyp bara jatqanyn baıqap otyrmyz. Tipti, bul ahýal jahandyq toqyraýǵa ushyratady degen qaýip bar. Osyndaı jaǵdaıda Úkimettiń jáne Ulttyq Banktiń negizgi mindeti – ınflásıany turaqtandyryp, azamattardyń tabysyn arttyrý bolýǵa tıis. Sondaı-aq, jańa jumys oryndaryn ashý qajet, – dedi ol.