Halyq sanynyń birshama ósýine jáne aýmaqtardyń qosylýyna baılanysty áleýmettik ınfraqurylymnyń tapshylyǵy aıtarlyqtaı qıyndyq týǵyzýda. Osy máselelerdi sheshý úshin qalada «basqarylatyn tapshylyq» saıasaty iske asyrylady. Jańa memlekettik jáne jeke menshik bilim berý obektilerin salý esebinen oryn tapshylyǵy qysqarady. Almaty ákimi Erbolat Dosaevtyń aıtýynsha, memlekettik mektepterdiń bastaýysh synyptaryn fılıal retinde turǵyn úı keshenderiniń birinshi qabattarynda ornalastyrý tetigi qarastyrylýda.
«Osylaısha, 2022 jyldyń basynan beri 3 316 oryndyq 54 jeke menshik bala baqsha ashyldy, jyl sońyna deıin taǵy shamamen 1 500 oryndyq 17 bala baqsha, onyń ishinde 560 oryndyq 2 memlekettik bala baqsha ashylady. Bıyl orta bilim berý salasynda 13,8 myń orynǵa eseptelgen 18 obektini paıdalanýǵa berý josparlanyp otyr, onyń ishinde 10 750 orynǵa 11 jańa mektep, onyń 5-eýi memlekettik jáne 6-y jeke menshik mektep, 1 270 orynǵa 5 qosymsha qurylys, 1 800 oryndyq 2 ǵımaratty satyp alý josparlanyp otyr», - dedi Almaty qalasynyń ákimi Ortalyq komýnıkasıalar qyzmeti alańynda.
Jyl sońyna deıin qalada 3-6 jas aralyǵyndaǵy balalardy mektepke deıingi bilimmen qamtý 2,4%-ǵa, mektepterdegi oqýshy oryndarynyń sany 5%-ǵa ósedi.
Pikir qaldyrý