Buqaralyq aqparat quraldarynda jaqynda 70 jasqa tolatyn Reseı prezıdenti Vladımır Pýtın aýyr syrqatqa shaldyqqany týraly rastalmaǵan aqparat kóptep taralyp júr. Alaıda AQSH Ortalyq barlaý basqarmasynyń basshysy Ýılám Berns aqparatty rastaıtyndaı eshqandaı barlaý deregi joq ekenin aıtady.

"Pýtınniń densaýlyǵy týraly qańqý sóz kóp. Biraq bizdiń bilýimizshe, ol – sap-saý" dedi Berns Koloradoda ótken qaýipsizdik forýmynda.

Reseıde elshi bolyp istegen Bernstyń aıtýynsha, Pýtın memleket basshysy retinde Reseıdi qaıtadan uly derjavaǵa aınaldyrýdy óziniń taǵdyryna balaıdy.

– Pýtın maqsatyna kórshi elderge yqpalyn kúsheıtý arqyly jetkisi keledi. Ýkraınany baqylaýyna alýǵa tyrysý, sol dittegenine jetýdiń bir amaly dep baǵalaıdy, –  deıdi ol.

Berns AQSH barlaý derekteriniń negizinde Reseıdiń Ýkraınaǵa basyp kirý týraly josparyn aldyn ala bilgenin, 2021 jylǵy qarashada Máskeýde bolyp, Pýtınge Ýkraınaǵa basyp kirýdiń saldary aýyr bolatynyn eskertkenin aıtty. Alaıda ol Pýtınniń bergen jaýaby ony qatty alańdatqanyn jetkizdi. Onyń sózinshe, Pýtınniń jospary qate paıym men shyndyqtan alshaq, ásirese Ýkraınanyń qarsylasýǵa degen erik jigerin jete baǵalamaǵan kózqarasqa qurylǵan.

Derekkóz: VVS