Almaty oblysy Eńbekshiqazaq aýdany Esik qalasynda atys bolyp, jaralanǵandardyń biri qaza tapty. Bul týraly Almaty oblystyq densaýlyq saqtaý basqarmasy málim etti.

"23 shildege qaraǵan túni Esik qalasyndaǵy Eńbekshiqazaq aýdandyq aýrýhanasyna 1992 jáne 2004 jyly týǵan eki er adam aýyr jaǵdaıda aýrýhanaǵa jetkizildi. Ekeýi de kóp jaraqat alǵan. Dárigerler shuǵyl ota jasady. Alaıda jaraqat alǵandardyń bireýi qaıtys boldy" dedi basqarmanyń baspasóz hatshysy Láılim Áýbákirova.

Zardap shekkenderdiń biri jansaqtaý bóliminde jatyr. Oǵan ıntensıvti terapıa jasalýda.

Almaty oblystyq polısıa departamenti Esik qalasynda bolǵan atystan eki adam jaraqat alǵanyn rastady. Bireýi 18-de, ekinshisi – 30 jasta. Tergeýshiler atysqa qatysqandardy izdestirýde.