Qazgıdromet aýa temperatýrasy birtindep tómendeıtinin habarlady. Respýblıkanyń aýmaǵyn ystyq ońtústik pen salqyn soltústikke bólgen atmosferalyq front saldarynan eldiń soltústiginde meteorologıalyq jaǵdaı nasharlaı bastaǵan.

"Frontaldy bóliktiń birtindep jyljýy, eldiń soltústik jartysynda, sodan keıin shyǵysynda, ońtústik-shyǵysynda naızaǵaı bolýyna, jeldiń kúsheıýine, keı jerlerde burshaq jaýyna ákelýi múmkin. Munyń bári, soltústikte kúndizgi aýa temperatýrasynyń tómendeýine jáne eldiń ońtústik jartysynda ystyqtyń báseńdeýine yqpal etedi" deıdi sınoptıkter.

Kúndizgi ýaqytta aýa temperatýrasy soltústik-batysta, soltústikte +20 +30°S-tan +15 +25°S-qa deıin, eldiń ortalyǵynda +25 +33 °S-tan +18 +27°S-qa deıin; shyǵys oblystarda aptap ystyq +25 +35°S-tan +19+29°S -qa deıin tómendeıdi dep kútilýde.

Qazaqstannyń ońtústiginde, ońtústik-shyǵysynda ystyq +30 +39°S-tan +25 +36°S-qa deıin túsedi dep boljanyp otyr.