Premer-mınıstr Álıhan Smaılov Aqparat jáne qoǵamdyq damý mınıstrligine áleýmettik jelini shekteı alatyn ókilet beretin qaýlyǵa qol qoıdy.

Qujatqa saı, mınıstrlik áleýmettik jelilerdi baqylaıtyn qosymsha múmkindikterge ıe boldy. Atap aıtqanda:

♦ onlaın-platformany (Facebook ispettes áleýmettik jeliler) nemese lezdik habarlar almasý servısin (Whatsapp tárizdes messendjerler) paıdalanýshylardyń sany týraly málimetterdi tekserý maqsatynda olardan bir táýliktegi paıdalanýshylardyń sany týraly aqparatty surata alady;

♦ onlaın-platforma nemese lezdik habar almasý servısi ınternette aqparattyq resýrsty paıdalanýshylardyń sanyn aıqyndaýǵa arnalǵan baǵdarlamany ornatpaǵan jaǵdaıda olardy paıdalanýshylardyń sanyn óz resýrstarymen aıqyndaı alady;

♦Qazaqstan Respýblıkasynyń zańdaryna sáıkes, el aýmaǵynda sheteldik onlaın-platformanyń nemese lezdik habar almasý servısiniń qyzmetin shekteı alady.