Balalardy qorǵaý kúni qarsańynda Almaty qalasynyń analar keńesi Qıyn ómirlik jaǵdaıdaǵy balalardy qoldaý ortalyǵynda qaıyrymdylyq aksıasyn ótkizdi.
İs-shara Analar keńesiniń «Bóten balalar joq» jobasyn iske asyrý aıasynda uıymdastyryldy. Balalarǵa baǵaly syılyqtar, ústel oıyndary, balmuzdaq jáne t.b. tabys etildi.
İs-sharany ótkizýge «Assambleıa jastary» músheleri jáne Qazaqstan Respýblıkasy Parlamenti Májilisiniń depýtattary: Ábilfas Múslimuly Hamedov jáne Vakıl Gýseınuly Nábıev qoldaý kórsetip, belsendi qatysty. Sondaı-aq ózbek etnomádenı birlestiginiń tóraǵasy Abdýlla Japaruly Ismatýllaev jáne koreı mádenı ortalyǵynyń múshesi Iýrıı Shın materıaldyq kómek kórsetti.
Jastar ókilderi balalardy qoldaý ortalyǵynyń balalarymen birge aǵashtar men gúlder otyrǵyzdy, sondaı-aq balalar úshin anımatorlarmen oıyn-saýyq shoý-baǵdarlamasy uıymdastyryldy.
Aıta ketý kerek, Almaty qalasynyń analar keńesi jyl saıyn balalarǵa moraldyq jáne materıaldyq kómek kórsete otyryp, túrli qaıyrymdylyq aksıalaryn ótkizedi.
«Biz, áriptesterimiz: analar keńesiniń músheleri, Parlament Májilisiniń depýtattary jáne «Assambleıa jastary» múshelerimen birge, qıyn ómirlik jaǵdaıǵa qaramastan, olar jarqyn bolashaqqa degen qoldaýyn sezinip, úmitin joǵaltpaýy úshin osy merekeni uıymdastyrdyq» dedi Almaty qalasy Analar keńesiniń tóraıymy Mahınýr Israılova.
Mereke óte jaqsy ótti, balalar syılyqtar men shoý-baǵdarlamaǵa rıza boldy. Ortalyq basshylyǵy uıymdastyrýshylarǵa balalarǵa erekshe kóńil bólgenderi úshin alǵys aıtty.
Almaty qalasy "Qoǵamdyq kelisim" mekemesiniń baspasóz qyzmeti
