Almaty oblysyndaǵy №10 mekteptiń 11-synyp oqýshysy, "Avısenna" tájik etnomádenı ortalyǵynyń ókili Kodırı Hýshdıl Almaty qalasynda shahmattan ótken "Dostyq kýbogy" týrnırinde birinshi orynǵa ıe boldy. Dostyq úıi tarıhı ǵımaratynyń 50 jyldyǵyna arnalǵan týrnır Shveısarıa júıesi FIDE 1 erejesi rapıd boıynsha ótti.

Jarysqa 60-qa jýyq shahmatshy qatysty, Hýshdıl Kodırı 6 partıany jeńip aldy, jetinshide teń oıyn jasady, nátıjesinde jalpy esepte birinshi oryndy ıelendi. Tájik EKO-dan kelgen Kodırı Nýkraboný áıelder men qyzdar arasynda birinshi orynǵa ıe boldy, ol maqtaý qaǵazymen jáne estelik syılyqtarmen marapattaldy.

Týrnır joǵary deńgeıde ótti, jarystyń bas FIDE tóreshisi – Karaev Asylhan.

Dostyq úıiniń mereıtoıyn merekeleý is-sharasyna QR Prezıdentiniń keńesshisi Málik Otarbaev, QR Prezıdenti Ákimshiliginiń Qazaqstan halqy Assambleıasy hatshylyǵynyń meńgerýshisi Marat Ázilhanov, Almaty shahmat federasıasynyń prezıdenti, Halyqaralyq grosmeıster Jansaıa Ábdimálik, Almaty qalasy máslıhatynyń depýtaty, "Qazaqstannyń 100 jańa esimi "jobasynyń jeńimpazy, kardıohırýrg Almas Qodasbaev, Qazaqstan halqy Assambleıasynyń, etnomádenı birlestikterdiń ókilderi, qala turǵyndary, jastar jáne BAQ ókilderi qatysty.

İs-shara barysynda "Dostyq" shahmat klýbynyń saltanatty ashylýy ótti. Shahmat klýbynyń qyzmeti jastar arasynda shahmatty tanymal etýge jáne jalpy zıatkerlik sport túrlerin tanymal etýge baǵyttalatyn bolady.

Almaty qalasy "Qoǵamdyq kelisim" mekemesiniń baspasóz qyzmeti