Búgin Almaty qalasynyń Dostyq úıinde ZOOM platformasynda Almaty qalasy Qazaqstan halqy Assambleıasynyń XXIV sesıasy ótti. Sesıaǵa Almaty qalasynyń ákimi, Almaty qalasy QHA tóraǵasy Erbolat Dosaev jáne Almaty qalasy ákiminiń orynbasary, Almaty qalasy QHA tóraǵasynyń orynbasary Arman Qyryqbaev qatysty.
Erbolat Dosaev XXIV sesıany resmı túrde asha otyryp, quttyqtaý sóz sóıledi.
Ol Qazaqstan halqy Assambleıasynyń qyzmeti jalpyulttyq kelisim men birlikti nyǵaıtý, beıbitshilikti saqtaý boıynsha mańyzdy memlekettik mısıany atqaratynyn atap ótti.
Budan ári Almaty qalasy ákiminiń orynbasary Arman Qyryqbaev baıandama jasady.
"Búgin Almaty qalasynda Qazaqstan halqy Assambleıasy qyzmetiniń arqasynda etnosaralyq kelisimdi qamtamasyz etý salasynda memlekettik organdar men azamattyq qoǵam ınstıtýttarynyń tıimdi ózara is-qımyly qamtamasyz etildi. 2022 jyldyń birinshi jartyjyldyǵynda Almaty qalasynyń Qazaqstan halqy Assambleıasy qoǵamdyq kelisimdi, beıbitshilik pen izgilik ıdeıasyn nyǵaıtýǵa baǵyttalǵan 250-den astam is-shara ótkizdi" dedi.
QHA músheleri Almaty qalasyndaǵy Qazaqstan halqy Assambleıasynyń qyzmetin qorytyndylap, "Jańa Qazaqstan: jańarý men jańǵyrý joly" strategıasy aıasynda aldaǵy kezeńge arnalǵan perspektıvalyq mindetterdi aıqyndady.
Osylaısha, úsh negizgi baǵyt anyqtaldy:
birinshisi – QHA-nyń saıası reformalardy júzege asyrýdaǵy rólin kúsheıtý;
ekinshi – QHA-nyń aqparattyq jumysyn kúsheıtý jáne qoǵamdyq áleýetin jandandyrý;
úshinshisi – quqyq qorǵaý qyzmetin kúsheıtý.
Esterińizge sala keteıik, Qazaqstan Prezıdenti, QHA tóraǵasy Qasym-Jomart Toqaev Qazaqstan halqy Assambleıasynyń XXXI sesıasynda Assambleıanyń azamattyq birlikti nyǵaıtýǵa qosqan úlesi zor ekenin atap ótip, QHA-nyń jańa bolmysynda beıbitshilik pen kelisim saıasatynyń berik ınstıtýsıonaldyq tiregi bolyp qala beretinine senim bildirdi.
Otyrys barysynda Almaty qalasy Qazaqstan halqy Assambleıasy qyzmetiniń negizgi baǵyttary boıynsha baıandamalar tyńdaldy.
Almaty qalasy QHA aldynda turǵan negizgi mindetter týraly Almaty qalasy QHA tóraǵasynyń orynbasary, qazaqstandyq orys mádenı ortalyǵynyń tóraǵasy Vsevolod Lýkashev aıtyp berdi.
Almaty qalasy QHA Qoǵamdyq kelisim keńesiniń ótken jylǵy atqarǵan jumysy jáne qalǵan kezeńdegi josparlarymen Almaty qalasy QHA Qoǵamdyq kelisim keńesiniń tóraǵasy Ahmetjan Shardınov bólisti.
Óz kezeginde, analar keńesiniń atqarǵan jumystary týraly Almaty qalasy QHA Analar keńesiniń tóraıymy Mahınýr Israılova baıandama jasap, ultaralyq kelisimdi nyǵaıtýǵa jáne damytýǵa úles qosyp otyrǵan analar keńesiniń árbir múshesiniń zor eńbegin atap ótti.
Baıandama sońynda Almaty qalasy QHA Jýrnalıser klýbynyń tóraǵasy, Respýblıkalyq nemis "Deutsche Allgemeine Zeitung" gazetiniń bas redaktory Olesa Klımenkoǵa sóz berildi. Óz sózinde ol etnosaralyq qatynastardy damytý men nyǵaıtýdaǵy jýrnalıser klýbynyń mańyzdy rólin atap ótti. Jýrnalıser klýby Assambleıa qyzmetin jarıalaý boıynsha belsendi jumys júrgizedi jáne toleranttylyqty nyǵaıtýǵa, etnosaralyq, Qoǵamdyq kelisim men azamattyq birlikti saqtaýǵa tikeleı qatysady.
Qorytyndylaı kele, Almaty qalasy Qazaqstan halqy Assambleıasynyń qyzmetin jetildirý boıynsha usynystar men usynymdar tyńdaldy.
İs-sharanyń resmı bóligin qorytyndylaı kele, Almaty qalasynyń ákimi Erbolat Dosaev QHA-nyń barlyq múshelerine belsendi qatysqany úshin alǵys aıtyp, aldaǵy jumysyna sáttilik tiledi.
Almaty qalasy ákiminiń orynbasary Arman Qyryqbaev Assambleıaǵa erekshe jaýapkershilik júktelgenin atap ótti. Assambleıa - turaqtylyqtyń kepili. Bul úshin barlyq múmkindikter bar-sapaly adamı kapıtal, tıimdilikti kórsetetin jumystyń jınaqtalǵan ádisteri, sondaı-aq qoǵamdyq ıgilikter úshin jasampaz arnaǵa baǵyttalýy tıis jas azamattardyń áleýeti.
Almaty qalasy "Qoǵamdyq kelisim" mekemesiniń baspasóz qyzmeti
Pikir qaldyrý