Almaty qalasy áleýmettik ál-aýqat basqarmasynyń "Aıala" áleýmettik qyzmet kórsetý ortalyǵy men Almaty qalasy Qazaqstan halqy Assambleıasy ázirbaıjandar qaýymdastyǵy birlesip Qurban merekesine oraı múmkindigi shekteýli balalardy tárbıelep otyrǵan 53 otbasy úshin qaıyrymdylyq aksıasyn ótkizdi.

Uıymdastyrýshylar azyq-túlik sebetteri túrinde gýmanıtarlyq kómek kórsetti. Almaty qalasy QHA ázerbaıjandar qaýymdastyǵynyń tóraǵasy Gahraman Sadıev bul qaıyrymdylyq aksıa dástúrge aınalyp, jyl saıyn ótkizilip otyratynyn atap ótti.

"Biz úshin eń bastysy balalardy qýantý jáne múgedek balalardy tárbıelep otyrǵan ata-analardy qoldaý. Ázerbaıjandar qaýymdastyǵy atynan qazaqstandyqtardy osy qasıetti merekemen quttyqtaımyn!" dedi ol óz sózinde.

İs-sharaǵa QR Parlamenti Májilisiniń depýtaty Ábilfas Hamedov, ázirbaıjandar qaýymdastyǵynyń respýblıkalyq jáne qalalyq ortalyqtarynyń músheleri, BAQ ókilderi belsendi qatysty.

İs-shara sońynda "Aıala "áleýmettik qyzmetter ortalyǵy" KMM basshylyǵy men tárbıelenýshileri uıymdastyrýshylarǵa otbasylaryna kórsetilgen kóńil men kómek úshin alǵystaryn bildirdi.