Balalar-bizdiń bolashaǵymyz. Ókinishke oraı, qıyn ómirlik jaǵdaıǵa tap bolǵan, ata-anasyz ósip, balalar úıinde tárbıelenip jatqan balalar bar. Almaty qalasy Qazaqstan halqy Assambleıasynyń Analar keńesi árqashan balalardy qoldaýǵa jáne olarǵa kómektesýge tyrysady.
Jaqynda ǵana túrik etnomádenı birlestiginiń Analar keńesi Almaty oblystyq № 1 balalar úıiniń bes qyzyna kómektesti. Túlekterge kıim, aıaq kıim, sómkeler jáne t.b. satyp alyndy.
Analar keńesiniń músheleri qyzdarmen áńgimelesip, ómirlik tájirıbelerimen bólisti. Belgili bolǵandaı, bul túlekterdiń arasynda jıý-jıtsýdan álem chempıony Anna Vodolazova boldy. Uıymdastyrýshylar atap ótkendeı, eń bastysy, qyzdar shyǵarylym aldynda kóptegen jaǵymdy emosıalar aldy.
"Biz bul qyzdardyń úlken jáne jarqyn bolashaǵy bolady dep úmittenemiz jáne senemiz, óıtkeni olar ózderiniń jetistikterin kórsetedi. Biz, óz kezegimizde, olardy barlyq jaǵynan qoldaýǵa árqashan daıynbyz!» deıdi Analar keńesiniń ókilderi.
Almaty qalasy "Qoǵamdyq kelisim" mekemesiniń baspasóz qyzmeti
Pikir qaldyrý