Atyraýda para aldy degen kúdikpen ustalǵan oblys ákiminiń eks-orynbasary Baqytgúl Hamenovanyń soty keıinge qaldy. 

Sot otyrysynda Baqytgúl Hamenova aıyptaý aktisimen tanyspaǵanyn aıtty. Alaıda sot otyrysynan buryn aıyptaý aktisi Baqytgúl Hamenovaǵa jetkizilgen. Munyń sebebin suraǵan sot tóraǵasyna Hamenova advokatynsyz kezdesýge shyqqysy kelmegenin jetkizdi. 

Hamenova aıyptaý aktisimen tanyspaǵandyqtan, sot otyrysy keıinge qaldyryldy.

Al onyń jaqyndary Baqytgúl Hamenova 8 aı boıy eshqandaı sebepsiz qamalyp otyrǵanyna narazy. Al Hamenovanyń ózi "Ádildik ornaıdy" dep sot óz paıdasyna sheshim shyǵaratynyna senetinin atap ótti. 

Baqytgúl Hamenova Atyraýda Abaı eskerkishin ornatatyn kompanıadan 4 mln 500 myń teńge para aldy degen kúdikpen ótken jyldyń jeltoqsanynda ustalǵan.