Syrtqy ister mınıstrligi Qazaqstan Taıvan aralyn Qytaı Halyq Respýblıkasynyń ajyramas bir bóligi retinde qaraıtynyn málim etti.

"Qazaqstan Respýblıkasy "Bir Qytaı" qaǵıdatyn qoldaıdy jáne Taıvandy Qytaı Halyq Respýblıkasy aýmaǵynyń ajyramas bóligi dep sanaıdy. Qazaqstan halyqaralyq quqyqtyń qoldanystaǵy normalaryn jáne Birikken Ulttar Uıymy Jarǵysyn saqtaýdy, atap aıtqanda osy máselede BUU Bas Assambleıasynyń 1971 jylǵy №2758 qararyn ustanýdy jaqtaıdy" delingen QR SİM resmı ókili Aıbek Smadıarovtyń Taıvan boıynsha túsiniktemesinde.

Qytaı Taıvan aralyn óziniń provınsıasy dep sanaıdy. Al Taıvan araly sońǵy birneshe jyldan beri Qytaı quramynan shyǵyp, óz aldyna táýelsiz memleket bolýdy surap keledi. 

2 tamyzda Taıvanǵa  barǵan AQSH Ókilder palatasynyń spıkeri Nensı Pelosı AQSH-tyń "Bir Qytaı" saıasatyna qurmetpen qaraıtynyn, alaıda Taıvandaǵy bostandyq pen qaýipsizdikke basymdyq berilýin qoldaıtynyn aıtqan bolatyn.