Belgili jýrnalıs Qaınar Oljaı el bıligi Reseı azamattaryna jeke sáıkestendirý nómirin (JSN) ońdy-soldy berip jatqanynyń astarynda sheteldikterge ózderiniń jyljymaıtyn múlkin ótkizý pıǵyly jatqan bolýy múmkin degen másele kóterdi.
"Reseıden kelip jatqandarǵa nege ýaqytsha tirkelý, JSN múmkindigi berildi? Osy suraqqa mynandaı oıymyz bar. Bizdiń buryn bılikte bolǵan, qazir BAÁ, Túrkıa jáne basqa jaqty saǵalaǵan dáýlettilerdiń Astana, Almaty jáne basqa qalalarda ondaǵan kotej, júzdegen páterleri boldy. Bári elıtalyq, sondyqtan satylmaı turdy. Al Reseıden kimder kelip jatyr? Shamamen, bıznesmen, burynǵy paraqor sheneýnik jáne qylmys áleminen baıyǵandar. Jaı orystyń kóshýge yqylasy da, úı satyp alar múmkindigi de joq. Sonymen "eki esep — bir qısap". El esigin erkin asha salý syry osydan ba dep oılaımyz" deıdi jýrnalıs áleýmettik jelidegi jazbasynda.
Pýtın Ýkraınaǵa soǵys ashqaly ýkraındyqtar ǵana emes, reseılikter de elinen shartarapqa ketip jatyr. Reseılikter aıaldaıtyn elderdiń qatarynda Qazaqstan aldyńǵy oryndardyń birin alady.
Jyl basynan beri Reseıdiń 70 854 azamatyna, Ýkraınanyń 1 467 azamatyna JSN berilgen. Onyń ishinde 69 172 reseılik pen 1 353 ýkraınalyq JSN-di Kreml soǵysty bastaǵan 24 aqpannan beri alǵan.
1 qańtardan beri 519 reseılik pen 7 ýkraınalyq Qazaqstan azamattyǵyna alǵan.
Pikir qaldyrý