Atyraý oblysy ákiminiń burynǵy orynbasary Baqytgúl Hamenova búgin bastalǵan sot otyrysynda ózine taǵylǵan aıypty moıyndamady.

Atpress.kz basylymynyń málimetinshe, sot otyrysynda Baqytgúl Hamenovanyń sybaılasy delingen Atyraý oblystyq mádenıet, arhıvter jáne qujattama basqarmasynyń eks-basshysy Aqylbek Rysqalıev "men deldaldyq qyzmet qana atqardym" degen.

Baqytgúl Hamenovanyń advokaty I.Vranchev qorǵaýyndaǵy aıyptalýshynyń otbasylyq jaǵdaıy men densaýlyǵynyń nashar ekenin atap ótip, sottan bultartpaý sharasyn ýaqytsha qamaý ızolátorynan úı qamaqqa aýystyrýdy surady.

Baqytgúl Hamenovaǵa qatysty qylmystyq is Qazaqstan Respýblıkasy Qylmystyq kodeksiniń 366-baby (Asa iri mólsherde para alý) 2-bóligi boıynsha tergelip jatyr.