QR Bas memlekettik sanıtarıalyq dárigeri qyzmetin atqarǵan Erlan Qıasov jańa laýazymǵa taǵaıyndaldy. Bul týraly Ulttyq saraptama ortalyǵy resmı saıtynda habarlady. 

"Erlan Qıasov Qazaqstan Respýblıkasy Densaýlyq saqtaý mınıstrligi Sanıtarıalyq-epıdemıologıalyq baqylaý komıteti Ulttyq saraptama ortalyǵynyń Basqarma tóraǵasy bolyp taǵaıyndaldy", delingen habarlamada. 

Erlan Qıasov 1973 jyly Almaty qalasynda dúnıege kelgen. QazMMÝ, Ortalyq Azıa ýnıversıtetin, ál-Farabı atyndaǵy QazUÝ, «Turan-Astana» ýnıversıtetin bitirgen.

Eńbek jolyn 1990 jyly Almaty qalasyndaǵy «Jedel járdem aýrýhanasynyń» jansaqtaý bóliminde sanıtar bolyp bastady.

1997-1999 jj. Almaty qalasyndaǵy Qazaqstan Respýblıkasynyń Áýe kóligi ortalyq sanıtarıalyq-epıdemıologıalyq stansıasynyń sanıtar dárigeri, epıdemıology bolyp eńbek etti.

1999 jyldan 2020 jylǵa deıin Qazaqstan Respýblıkasy Prezıdenti İs Basqarmasynyń Medısınalyq ortalyǵynyń qurylymynda – sanıtarıalyq-epıdemıologıalyq stansıasynyń jalpy gıgıena boıynsha dárigeri, jedel bólim meńgerýshisi, sanıtarıalyq-epıdemıologıalyq qadaǵalaý basqarmasy epıdemıologıalyq bólimniń meńgerýshisi,  «Sanıtarıalyq-epıdemıologıalyq saraptama ortalyǵy» RMK dırektory, QR Prezıdenti İs basqarmasy Medısınalyq ortalyǵy meńgerýshisiniń orynbasary boldy.

2020-2022 jj. Qazaqstan Respýblıkasy Densaýlyq saqtaý vıse-mınıstri – Qazaqstan Respýblıkasynyń Bas memlekettik sanıtarıalyq dárigeri qyzmetin atqardy.