Kelesi oqý jylynan bastap mektepter bes kúndik jumys formatyna kóshedi. Bul týraly oqý-aǵartý mınıstri Asqat Aımaǵambetov aıtty. 

– Biz mynadaı sheshim qabyldadyq: kelesi jyldan bastap úsh aýysymda oqytatyn mektepterdi qospaǵanda, elimizdegi barlyq mektep bes kúndik jumys formatyna kóshedi. Bul mektep dırektorlaryna, muǵalimderge jáne barlyq qyzmetkerlerge qatysty. Biz muǵalimder senbi kúni demalyp, balalarymen birge bolýy kerek dep sanaımyz, – dedi mınıstr.

Sondaı-aq mınıstr bul jaǵdaı muǵalimderdiń eńbek demalysyna áser etpeıtinin, 56 kúndik demalys ýaqytynyń ózgerissiz qalatynyn eskertti. 

Mınıstr dırektorlardan senbi kúnderi ádistemelik kúnder ótkizbeýin nemese muǵalimderdi qandaı da bir jolmen jumysqa shaqyrmaýdy surady.

– Bul tájirıbeni toqtatý kerek. Muǵalimder men mektep dırektorlary bes kún ǵana jumys isteýi kerek. Bilim berý bólimderinde de, mektepke deıingi uıymdarda da, – dedi Aımaǵambetov.