Mańǵystaý oblysy Jańaózen qalasynda birneshe ondaǵan jumyssyz jastar qalalyq ákimshilik ǵımaraty aldyna jınalyp, prezıdentke beıneúndeý joldady, dep habarlady Lada.kz portaly.
Jınalǵandar bıylǵy aqpandaǵy jumyssyzdar sherýinen keıin Jańaózen ákimshiligi 160 adamdy Aqtaýda munaıshy mamandyǵy boıynsha oqytyp, "Ózenmunaıgaz" kompanıasyna jumysqa turǵyzýǵa, 270-350 myń teńge kóleminde jalaqy tóleýge ýáde etkenin aıtady. Alaıda búginge deıin ýáde etilgen jumys ta, jalaqy da joq.
Usynylǵan mekemedegi jumys oqytylǵan mamandyqqa da, azamattar talabyna da sáıkes kelmeıdi. Sondyqtan jastar "Ózenmunaıgazǵa" qarasty kompanıalardyń birine mamandyq boıynsha jumysqa turýlaryna yqpal etýdi suraıdy.
Vıdeoúndeý prezıdent Qasym-Jomart Toqaevqa, Mańǵystaý oblysynyń ákimi Nurlan Noǵaevqa, Jańaózen qalasynyń ákimi Aıbek Qosýaqovke, "Ózenmunaıgaz" kompanıasynyń bas dırektory Maqsat Ibaǵarovqa arnalǵan.
Pikir qaldyrý