Jaqynda ǵana otstavkaǵa ótinish bergen Ómirzaq Shúkeevtiń ornyna Túrkistan oblysynyń ákimi bolyp Qazaqstannyń Ózbekstandaǵy elshisi qyzmetin atqarǵan Darhan Satybaldy  taǵaıyndaldy.

"Darhan Amangeldiuly Satybaldy Túrkistan oblysynyń ákimi bolyp taǵaıyndalsyn, ol Qazaqstan Respýblıkasynyń Ózbekstan Respýblıkasyndaǵy tótenshe jáne ókiletti elshisi laýazymynan bosatylsyn" delingen Aqorda habarlamasynda.

Darhan Satybaldy 2010-2011 jyldary UQK-de, 2011-2013 jyldary premer-mınıstr keńsesinde istegen. 2013 jyldan bastap eki jyl Shymkent qalasynbasqarǵan. 2015-2017 jyldary Ońtústik Qazaqstan oblysy ákiminiń birinshi orynbasary bolǵan. 2019 jyly naýryzda Qazaqstannyń Ózbekstandaǵy elshisi bolyp taǵaıyndalǵan.

Ómirzaq Shúkeev asa iri kólemde para aldy dep aıyptalǵan Kentaý qalasy ákiminiń isi boıynsha sot sheshimi shyqqandyqtan, zańǵa saı 26 tamyzda otstavkaǵa ótinish bergen. Prezıdent onyń otstavkasyn qabyldady.