Eńbek jáne halyqty áleýmettik qorǵaý mınıstrligi prezıdent joldaýyndaǵy áıelderdiń zeınet jasy týraly bastamaǵa túsinikteme berdi. 

Qasym-Jomart Toqaev keshegi joldaýynda áıelderdiń zeınet jasyn 2028 jylǵa deıin 61 jas deńgeıinde ustap turýǵa tapsyrma bergen. Bul kelesi jyldan bastap kúshine enedi. Osylaısha, áıelder 5 jyl boıy 61 jasta zeınetke shyǵa alady.

"Memleket basshysy Qasym-Jomart Toqaevtyń bıylǵy 1 qyrkúıektegi Qazaqstan halqyna Joldaýynda zeınetaqy júıesiniń tıimdiligin arttyrý boıynsha jańa sharalar paketi usynyldy. Olardyń biri – 2023 jyldan bastap áıelderdiń zeınetkerlik jasyn 61 jas deńgeıinde josparlanǵan arttyrýdy 5 jylǵa toqtata turý. Bul shara koronavırýs pandemıasynyń azamattardyń densaýlyǵy men ómir súrý uzaqtyǵyna teris áserin eskere otyryp qabyldandy", delingen mınıstrlik túsiniktemesinde.