Prezıdent Q.Toqaev Qostanaı oblysynda orman órtinen zardap shekken azamattarmen kezdesti, dep habarlady Aqordanyń baspasóz qyzmeti.

Q.Toqaev orman órtinen zardap shekken Amanqaraǵaı aýylynyń aýmaǵyn aralap, Áýlıekól aýylyndaǵy mektepte ornalasqan evakýasıalaý pýnktinde zardap shekken azamattarmen kezdesip, gýmanıtarlyq kómek taratý pýnktiniń jumysymen tanysqan.

Zardap shekkendermen kezdesý barysynda Qasym-Jomart Toqaev Úkimet qıyn jaǵdaıdy eńserý úshin barlyq sharalardy qabyldaıtynyn aıtty.

– Ókinishke qaraı, úlken órt boldy. Degenmen tıisti kómek kórsetiledi. Sizderdiń baspanasyz qalǵandaryńyzdy bilemin. Úkimet eki, eki jarym aıda sizderge burynǵydan áldeqaıda jaqsy jańa úıler salyp beredi, – dedi prezıdent.