Almatyda dalaǵa órt qoıyp júrgen er adam Tótenshe jaǵdaılar mınıstrliginiń qyzmetkeri ekeni rastaldy. Bul týraly TJM baspasóz qyzmeti habarlady. 

"Vıdeoda kórsetilgen azamat shynymen de Almaty qalasy Tótenshe jaǵdaılar departamenti "Órt sóndirý jáne avarıalyq-qutqarý jumystary qyzmeti" MM No5 mamandandyrylǵan órt sóndirý bóliminiń qyzmetkeri – azamattyq qorǵaý aǵa órt sóndirý serjanty Óteýlıev Janat Erǵalıuly. Ol 1983 jyly týǵan, azamattyq qorǵaý organdarynda 2008 jyldan beri qyzmet atqarady", - delingen habarlamada

Óteýlıevti Almaty oblysy Jambyl aýdany Polısıa bóliminiń qyzmetkerleri ustap, Ákimshilik quqyqbuzýshylyq kodeksiniń 440-baby 1-bólimi jáne 505-baby 1-bólim boıynsha ákimshilik jaýapkershilikke tartqan.