Birneshe jolaýshy Almaty áýejaıy men Skat kompanıasynyń qyzmetkerleri memlekettik tildegi ótinishine jaýap bere almaı, tutynýshy retindegi quqyn aıaqasty etkenine shaǵymdandy. Oqıǵa orynda túsirilgen vıdeony jýrnalıs Rıshat Asqarbekuly jarıalady.
Jýrnalıs vıdeony Erkin Erbólek esimdi azamat jekesine joldaǵanyn aıtady.
Jolaýshynyń sózinshe, Almatydan Atyraýǵa ushatyn Skat áýekompanıasynyń DV-769 reısi bes jarym saǵatqa keshikken. Soǵan baılanysty kompanıanyń Afanasenko Valerıa, Zazýlına Olesá esimdi qyzmetkerlerine júgingeninde eshqaısysy qazaqsha bilmeıtin bolyp shyǵady.
Narazy jolaýshylar áýejaıdyń jaýapty qyzmetkeri – aýysym basshysy Nıkolaı Býlekovty shaqyrsa, ol da qazaqsha múldem túsinbeıtin bolyp shyǵady. Onyń ústine, barlyq beıdjıkteri orys tilinde jazylǵan.
"Áýejaı kezekshilik bastyǵy onyń ústine qazaq-orys tilinde tilmash dep bir qazaq jigitti shaqyryp, ábden uıatqa qaldy. Qazaq elinde qazaq tilinde sóılegen tutynýshyǵa qandaı tilmash kerek? Elimizdiń betke ustar Almaty áýejaıy ákimshiligine jáne Skat avıakompanıasynyń ákimishiligine bir top jolaýshy óte narazy boldy. Bul qyzmetkerler tutynýshylardyń quqyqtaryn saqtamaı otyryp ári memlekettik tilge qurmetsizdik kórsetken úshin ornyn bosatý kerek. Odan ári bul jaǵdaı qaıtanbalas dep oılaımyz" deıdi naray azamat.
Pikir qaldyrý