Eks-prezıdent Nursultan Nazarbaev «Ál-Azhar» ýnıversıtetiniń Bas ımamy Sheıh Ahmed at-Taıebpen kezdesti, dep habarlady elbasy.kz.

Kezdesý astanadaǵy Bas meshitte oqylǵan juma namazynan soń bolǵan.

"Áńgimelesý kezinde taraptar dúnıe júzindegi konfesıaaralyq dıalogtyń ózekti máseleleri jóninde pikir almasyp, Qazaqstanda ótken Álemdik jáne dástúrli dinder kóshbasshylary seziniń atalǵan úderistegi mańyzdy rólin aıryqsha atap ótti. Nursultan Ábishuly Qazaqstan men Mysyr arasynda qarym-qatynas ornatý barysy, sonyń ishinde joǵary bilim berý salasyndaǵy baılanystar týraly óz estelikterin ortaǵa saldy. Sondaı-aq Qazaqstannyń eks-prezıdenti Ahmed at-Taıebtiń Sıeze sóılegen sóziniń negizgi tezısterine qoldaý bildirip, dinder kóshbasshylary arasyndaǵy ashyq dıalogty qamtamasyz etýdiń mańyzdy ekenine toqtalyp ótti" delingen aqparattyq habarlamada.