Ýkraınaǵa qarasty Lýgansk oblysynyń basshysy Sergeı Gaıdaı Donbasstaǵy separatıstik Donesk jáne Lýgansk Halyq Respýblıkalary Ýkraına jaý kúshin shegindirip jatqanynan úreılenip Reseıden Kıevtiń basyp alynǵan jerlerin anneksıalaýdy surap otyr dep málimdedi. Onyń aıtýynsha, bul – Kreml úshin jappaı mobılızasıa men soǵystyń jańa qarqynyn bastaýǵa syltaý bolmaq.
VVS dereginshe DHR basshysy Denıs Pýshılın LHR basshysy Leonıd Pasechnıkke halyqaralyq qaýymdastyq táýelsizdigin moıyndamaǵan qos separatıstik eldi Reseıge qosý boıynsha birlesken "referendým" ótkizýdi usynǵan.
Pýshılın Pasechnıkpen telefon arqyly sóıleskeni jarıalanǵan vıdeojazbada "referendýmǵa" daıyndyq barysy sóz bolǵan.
Qos eldiń bıligi "referendýmǵa" asa asyǵyp jatqanymen, onyń ótkiziletin kúni ázirge habarlanbady.
Ýkraınaǵa qarasty Lýgansk oblysynyń basshysy Sergeı Gaıdaı bolsa, Ýkraına qarýly kúshteri olardy tuıyqqa tiregendikten, okýpanttar "tańdaýsyz saılaý" týraly aıta bastady dep otyr.
"Okýpanttar "feık "referendým" ótkizip, onyń nátıjesi boıynsha bári Reseı quramyna kirýi kerek bolady. Ol kezde Ýkraınanyń azat etý áreketteri Kreml turǵysynan "Máskeýge tikeleı shabýyldak" dep baǵalanady da jappaı mobılısasıa jasap, soǵys jarıalaýy múmkin" deıdi Gaıdar.
Ýkraına prezıdenti keńsesiniń basshysy Mıhaıl Podolák "jahandyq konsensýs pen halyqaralyq quqyqqa saı, Donesk, Lýgansk, Qyrym Ýkraınaǵa tıesili ekeni, muny joqqa shyǵarý eshteńeni ózgertpeıdi "dep atap ótti.
Pikir qaldyrý