Almaty qalasy Qazaqstan halqy Assambleıasy tóraǵasynyń orynbasary, "Ildash" tatar mádenı ortalyǵynyń tóraıymy Nıazova Nýrıa Ismagılovna Almaty qalasy bilim basqarmasynyń "Ómirde qıyn jaǵdaıǵa tap bolǵan balalardy qoldaý ortalyǵy" KMM-niń balalaryna Medeý-SHymbulaq ekskýrsıasyn ótkizdi. Oǵan 20-ǵa jýyq tárbıelenýshi qatysty, dep habarlady Almaty qalasy "Qoǵamdyq kelisim" mekemesiniń baspasóz qyzmeti. 

Bul is-sharanyń basty maqsaty - balalarǵa súıikti qalasynyń basty kórikti jerleriniń birin kórsetý, sondaı-aq onyń tarıhymen tanystyrý. Kezdesý óte qyzyqty jáne tanymdy boldy.

Balalar úshin arnaıy baǵdarlama daıyndaldy. "Shymbulaq" bazalyq stansıasy boıynsha ekskýrsıa uıymdastyrylyp, "Dadli" meıramhanasynda túski as berildi. sondaı-aq "Ózińiz jáne tabıǵat úshin taýǵa qalaı qaýipsiz barýǵa bolady" taqyrybynda dáris oqyldy.

İs-sharany uıymdastyrýshy Nıazova Nýrıa Ismagılovna "Shymbulaq" taý-shańǵy kýrortynyń ákimshiligine qoldaý kórsetkeni úshin alǵysyn bildirip, osyndaı kezdesýler men balalardyń qalanyń kórikti jerlerimen tanysýy olardyń boıynda patrıottyq sezimdi, óz ólkesine degen maqtanysh sezimin damytýǵa kómektesetinin atap ótti. Bálkim, bul bolashaq mamandyqqa tańdaý jasaýǵa septigin tıgize me, kim bilsin.