AQSH memlekettik departamenti Reseıde júrgen azamattaryn elden shuǵyl ketýge shaqyrdy. Habarlama AQSH-tyń Máskeýdegi elshiliginiń saıtynda jarıalandy.

Memlekettik departament 21 qyrkúıekte Reseıde ishinara mobılızasıa bastalǵanyn atap ótip, qos azamattyǵy bar tulǵalar Ýkraınamen soǵysý úshin áskerge shaqyrylýy múmkin ekenin málimdedi.

"Reseı qos azamattyǵy bar azamattarda AQSH-tyń azamattyǵy baryn moıyndaýdan bas tartyp, konsýldyq kómekke tosqaýyl qoıýy múmkin. Elden shyǵarmaı, áskerı qyzmetke alyp ketýi yqtımal" delingen memdepartament qujatynda.

Qújatta Reseıden shyǵý joldary tarylyp jatqany, reıster sanaýly ekeni eskertilip, qurlyq shekarasy áli jabylmaǵandyqtan azamattardy kólikpen nemese avtobýspen elden ketýge úndeıdi

Memlekettik departament sondaı-aq AQSH azamattaryn Reseıge barmaýǵa, Reseıdegi azamattyryn saıası, áleýmettik narazylyq aksıalaryna qatyspaýǵa, qarýly kúshterdi sýretke túsirmeýge shaqyrady.