Reseı Qazaqstanmen shektesetin Astrahan oblysyndaǵy "Qaraózek" pýnktine mobıldik shaqyrý pýnktin ornalastyrdy. Bul týraly Krasnoıar aýdanynyń basshysy Rýslan Bısenov telegram-kanalynda málim etti.
"Krasnoıar jáne Volodar aýdany áskerı komısarıatynyń qyzmetkerleri áskerge alynýǵa tıis azamattarǵa shaqyrý (mobılızasıaǵa shaqyrý) berip bastady. Qujatty alǵandar RF Prezıdentiniń "Reseı Federasıasynda ishinara mobılızasıa jarıalaý týraly" qaýlysyna saı elden shyǵarylmaıdy. Bul tek Krasnoıar men Volodar aýdany turǵyndaryna ǵana emes, áskerı esepte turǵan barlyq reseılikterge qatysty" delingen Rýslan Bısenovtyń jazbasynda.
Astrahan – Reseıdegi etnıkalyq qazaqtar shoǵyrlanǵan oblystyń biri. Reseıdegi 2010 jylǵy halyq sanaǵynyń málimetine saı, Astrahan oblysynda 150 myńǵa jýyq qazaq turady.
İshinara mobılızasıa jarıalanǵaly Reseıdiń kórshi eldermen shektesetin shekaralarynyń barlyǵynda elden shyqqysy kelgenderdiń birneshe shaqyrymǵa sozylǵan keptelisi áli seıilgen joq. Kreml azamattardyń shetel asýyn toqtatý úshin túrli shara qabyldap jatyr.
Máselen, Fınlándıamen shekaradaǵy "Torfánovka" beketinde shaqyrý pýnkti ashylǵan. Grýzıamen shekardaǵy "Verhnıı Lars" beketinde azamattar shekarany zańsyz kesip ótýge tyrysqan jaǵdaıǵa dep oq ótkizbeıtin áskerı tehnıka qoıylǵan. Soltústik Osetáda tipti elden shyǵýǵa shektep qoıyldy.
Pikir qaldyrý