Sot júıesi týraly jazatyn jýrnalıs Mıhaıl Kozachkov Almatyda UQK departamenti basshysynyń burynǵy orynbasary Talǵat Muqanov ustalǵanyn, tergeýdiń bir ushy qalanyń eks-ákimi Baýyrjan Baıbekke kelip tirelýi múmkin ekenin habarlady.

Jýrnalısiń aıtýynsha, burynǵy komıtet qyzmetkerine sybaılas jemqorlyqpen kúres qyzmeti shúılikken, kúdik qańtar oqıǵasymen emes, alaıaqtyqpen baılanysty.

"Tergeý nusqasyna saı, eks-sheneýnik pen birneshe adam (olardyń arasynda Qaırat Qudaıbergenniń baýyry Darhan bar) Vıktor Hrapýnovtyń tárkilengen múlkin tómendetilgen baǵamen satýǵa atsalysqan. Biraq birden aıtyp ketý kerek, Baıbek kúdikti retinde tanylmaǵan, odan jaýap alynbaǵan da. Ony isteý de qıyn, óıtkeni burynǵy ákim qazir elde emes. Aıtpaqshy Baýyrjan Qadyrǵalıulynyń uldary mınıstr Saıasat Nurbektiń balalary oqıtyn soltústik Kıprdegi mektepte oqıdy. Sonymen qatar elde Darhan Qudaıbergen de joq. Sondyqtan tergeý nátıjesi negizgi fıgýranttarsyz qaıda aparatynyn baqylaý qyzyq bolyp tur" dep jazady jýrnalıs Kozachkow telegram-kanalynda.