6 qazanda BUU Adam quqyqtary jónindegi keńesi Qytaıdyń Shyńjań aımaǵyndaǵy musylmandarǵa arnalǵan lagerler máselesin talqylaý jónindegi usynysty qabyldamady. 

Ótken aıda AQSH, Ulybrıtanıa, Túrkıa, Kanada jáne taǵy basqa elder Shyńjańda uıǵyr, qazaq, qyrǵyz jáne ózge de túrki tildi musylmandardyń quqyqtarynyń taptalyp jatqany jóninde talqylaý ótkizýdi usynǵan edi. 

47 memleketten quralǵan Adam quqyǵy keńesiniń jıynynda 17 el usynysty qoldap daýys berdi, 19-y qarsy boldy. 11 memleket qalys qaldy. Qazaqstan, Ózbekstan, Pákistan, Birikken Arab Ámirlikteri, Katar, Qytaı, Nepal, Indonezıa, Kamerýn, Erıtreıa, Gabon, Kot-d'Ivýar, Mavrıtanıa, Namıbıa, Senegal, Sýdan, Bolıvıa, Venesýela jáne Kýba talqylaýǵa qarsy daýys berdi.