Sınoptıkter aldaǵy demalys kúnderi eldiń basym bóliginde kún salqyndaıtynyn habarlady.

"Aldaǵy demalys kúnderi ortalyǵy Barens teńiziniń ústinde ornalasqan sıklonnyń tereń jyrasy Qazaqstan aýmaǵynyń batysynan shyǵysyna qaraı jyljı otyryp, óz jolynda jańbyr túrindegi jaýyn-shashyn alyp keledi: eldiń soltústik, shyǵys jáne taýly aımaqtarynda túngi jáne tańǵy saǵattarda jańbyr ylǵaldy qarǵa ulasýy múmkin, tuman baıqalady, jel kúsheıedi, respýblıkanyń ońtústigi men batysynda shańdy daýyl kútiledi. Eýropa aımaqtarynan keletin sýyq antısıklon jańa aptanyń basynda respýblıkanyń batysynda, sodan keıin soltústiginde jaýyn-shashynnyń toqtaýyna sebep bolady" delingen Qazgıdromet habarlamasynda.

Soltústikte, shyǵysta jáne ortalyqta túnde - 3 gradýs + 5, kúndiz + 3 + 13 gradýs aralyǵynda bolady.

Batysta túnde 1-9 gradýs, kúndiz 15-25 gradýs jyly.

Ońtústikte túnde 1-6 gradýs jyly, taýly aýdandarda 2-7 gradýs nólden tómen, kúndiz 12-20 gradýs jyly bolady.