"Ortalyq saılaý komısıasynyń 11 qazandaǵy qaýlysymen kandıdatýranyń zań talaptaryna sáıkes keletindigi anyqtaldy. Úmitkerge azamattardyń qoldaryn jınaý úshin qol qoıý paraqtary berildi. Aýmaqtyq saılaý komısıalarynyń hattamalaryna sáıkes QR Prezıdenttigine kandıdatty qoldaǵan elimizdiń 15 óńirinen 121 314 azamattyń qoly jınaldy. Onyń ishinde 120 158 qol tekserilip, 118 418-i senimdi dep tanyldy" dedi ortalyq saılaý komısıasynyń múshesi Shavkat Ótemisov.
OSK músheleri úmitkerdiń kandıdatýrasyn qabyldaý týraly qaýlyny daýysqa salyp, biraýyzdan oń sheshim qabyldanǵan.
Úmitker kandıdatýrasyn "Kásibı áleýmettik jumyskerler ulttyq alánsy" usynǵan.
Qaraqat Ábden 48 jasta. Aqmola oblysynda dúnıege kelgen. Salyq komıtetiniń ortalyq apparatynda, prezıdent janyndaǵy memlekettik basqarý akademıasynda 10 jyldan astam ýaqyt jumys istegen. Áıelder isi jáne otbasylyq-demografıalyq saıasat jónindegi ulttyq komısıanyń múshesi, Astana ákiminiń áleýmettik máseleler jónindegi shtattan tys keńesshisi. 2013 jyldan beri "Qazaq qyzy" qoǵamdyq birlestigin basqarady. "Sen qazaqtyń qyzysyń. Maqtan et!" atty kitap avtory.
Pikir qaldyrý