Qyrǵyzstandyq BAQ sóz bostandyǵyna jasalǵan qysymǵa baılanysty qarsylyq aksıasyn jarıalady, dep jazady sol eldiń economist.kg basylymy.

"28 qazanda saǵat 09:00 ben 12:00 aralyǵynda aqparat jarıalamaıdy. Sondaı-aq birneshe aqparat agenttigi memlekettik organdardyń baspasóz habarlamalaryn kúni boıy jarıalaýdan bas tartady", delingen uıymdastyrýshylar habarlamasynda. 

Osy ýaqyt aralyǵynda jańalyqtardyń ornyna "Jańalyq joq. BAQ-qa qysym bar" degen mátini bar qara taqta jarıalanǵan. 

Atalǵan aksıaǵa Qyrǵyzstandaǵy belgili jýrnalıser men redaksıalar, quqyq qorǵaýshylar men medıa uıymdar qosylǵan. Arasynda "Kloop", Kaktus Media jáne 24.kg saıttary da bar.

Buǵan deıin Qyrǵyzstannyń Mádenıet mınıstrligi Azattyq Medıa saıtynyń jumysyn 2 aıǵa toqtatqan bolatyn.  Bılik Qyrǵyzstandaǵy Azattyq saıtyna teserilmegen, qoǵam arasynda iritki týdyratyn aqparat jarıalady dep aıyptaǵan. Qyrǵyzstandyqtáýelsiz BAQ ókilderi bılik áreketin BAQ-qa qysym dep baǵalap, bılikti sóz bostandyǵyna jasalǵan qysymdy toqtatýǵa, azamattyq belsendiler men jýrnalıserdi aksıaǵa qoldaý bildirýge shaqyrdy.