AQSH-ta qurylǵan «Birikken Alash» qory dúnıe júzindegi shyǵarmashyl qazaq jasóspirimderin anyqtap, olardy jigerlendirý maqsatynda İ halyqaralyq baıqaý jarıalady. Oǵan Qazastandaǵy jáne dúnıe júzindegi qazaq dıasporalaryndaǵy 10 jáne 18 jas aralyǵyndaǵy órender qatysa alady.

Tuńǵysh ret ótetin baıqaýdyń taqyryby – “Meniń tulǵam”.

Baıqaý sharttary: 

⁃ Baıqaýǵa qatysýshynyń jasy 10-18 aralyǵynda bolýy tıis;

⁃ Baıqaýǵa qatysýshy ózi qurmet tutatyn tarıhtaǵy nemese búgingi zamanǵy tulǵalardyń biri jaıly esse jazýy tıis. Essede: «sizdiń úlgi tutatyn tulǵańyz kim, ol tulǵa nesimen erekshe, tulǵanyń naqty qandaı qasıeti, minezi nemese eńbegi úlgi bolarlyq, tulǵanyń erekshe qasıeti, minezi nemese bolmysy HHİ ǵasyrdaǵy qazaq jastaryna úlgi bolýǵa jaraı ma, qazaq jastarynyń damýyna, jaqsy ómir súrýine kómektese ala ma, siz ol tulǵany óz zamandastaryńyz arasynda qalaı nasıhattap, qalaı dáripter edińiz?» degen suraqtarǵa jaýap berýi tıis. Iaǵnı “Meniń tulǵam” atty shyǵarmada shyǵarmashyl jas úlgi tutatyn tulǵasy jaıly jalpylama maqtamaı, naqty detaldarmen, belgili bir qyryn asha otyryp jazýy tıis. Jazý formasy, stıli erkin, shyǵarmashyl jastyń oı erkindigi men shyǵarmashylyq qabiletin aıshyqtaıtyndaı bolýy quptalady.

Baıqaý erejesi: 

⁃ Shyǵarma Times New Roman 14-pen 2 – 2.5 betten aspaýy tıis. Shyǵarmanyń (vordtaǵy) eń sońyna qatysýshynyń tolyq aty-jóni, memleket, qala (aýdan, aýyl) ataýy, baılanys nómiri mindetti túrde jazylýy kerek.

⁃ Jazylǵan shyǵarma qatysýshynyń sýreti men birge info@kazunite.com elektrondy poshtasyna joldanýy qajet.

⁃ Materıaldar 30 qarasha kúni Nú-Iork ýaqytymen saǵat 23.00-ge deıin qabyldanady. Bul ýaqyttan kesh jiberilgen shyǵarmalar baıqaýǵa qatystyrylmaıdy.

Qosymsha aqparat: 

⁃ İrikteýden ótken shyǵarmalar AQSH-taǵy tuńǵysh qazaq basylymy kazunite.com halyqaralyq portalynda jarıalanady.

Baıqaý jeńimpazdaryn Qazaqstan, AQSH, Eýropa elderi men Túrkıadaǵy belgili tulǵalardan qurylǵan qazylar alqasy anyqtaıdy.

Júlde qory: 

⁃ I oryn – 200 myń teńge (bir);

⁃ İİ oryn – 100 myń teńge (eki);

⁃ İİİ oryn 50 myń teńge (úsh);

⁃ Yntalandyrý syılyǵy 20 myń teńge (bes).

Qosymsha AQSH-taǵy «Birikken Alash» qorynyń Halyqaralyq baıqaýynyń júldesin rastaıtyn maqtaý qaǵazy men shaǵyn syı-qorjyn tapsyrylady.