12 qazanda Almaty qalasyndaǵy respýblıkalyq Dostyq úıinde Qazaqstannyń áıelder kúshteri Alánsynyń Saıasatker áıelder klýby men Áıelderdiń saıası kóshbasshylyǵy mektebiniń tanystyrylymy ótti.

Búgingi tańda Qazaqstan Respýblıkasy Parlamenti Senatynda 49 depýtattyń 10-y áıel depýtat, ıaǵnı 20% quraıdy, Májilistegi áıelderdiń sany 24% – 107 depýtattyń 26-sy áıel. 16 mınıstrdiń ishinde Qazaqstan Respýblıkasynyń ortalyq atqarýshy organdaryn tek 2 áıel basqarady. Tolyq jáne tıimdi qatysýdy jáne áıelderdiń teń múmkindikterin qamtamasyz etý úshin sheshim qabyldaý deńgeıinde áıelderdiń qatysýyn 30%-ǵa deıin arttyrý qajet. Áıelderdiń saıası ómirge jáne sheshim qabyldaýǵa qatysýyn arttyrý Qazaqstandaǵy genderlik teńdik pen turaqty damýǵa qol jetkizýdiń negizi bolyp tabylady.

Qatysýshylardyń aıtýynsha saılaý aldyndaǵy kezeńde saılaýǵa qatysatyn áıelderge kásibı daıyndyq, belgili bir daǵdylar men quzyrettilikterdi meńgerý, saıası júıeniń tehnıkalyq jáne formaldy aspektilerin zerdeleý qajet.

Osyǵan baılanysty Qazaqstannyń áıelder kúshteri alánsy búkil Qazaqstan boıynsha saıasatker áıelder klýbtarynyń jumysyn jandandyryp, áıelderdiń saıası kóshbasshylyǵy mektepterin ashýda.

Áıelderdiń saıası kóshbasshylyǵy mektebi men saıasatker áıelder klýbynyń maqsaty – Qazaqstandaǵy jetekshi áıel saıasatkerlerdiń tájirıbesine súıene otyryp, áıelderdi basqarý jáne básekege túsý qabilettiligin arttyrý jáne úıretý arqyly áıelderdiń saıası kóshbasshylyǵyn damytýǵa eleýli úles qosý bolyp tabylady.

Áıelderdiń saıası kóshbasshylyq mektebiniń mindetteri:

1. Áıelderdiń qoǵamdyq-saıası, zań shyǵarý jumystaryna, sondaı-aq memlekettik qurylymdar men atqarýshy bılik organdaryna usyný úshin kadrlyq rezervin qalyptastyrý;
2. Oqytýdyń tıimdi baǵdarlamasyn qurý;
3. Jetekshi áıel saıasatkerlermen tálimgerlik baǵdarlamasyna qatysý.

Saıasatker áıelder klýbynyń mindetteri:

1. Áıelderdiń memlekettik jáne qoǵamdyq-saıası jumysqa usyný úshin kadrlyq rezervin qalyptastyrý;
2. Áıelderdiń kóshbasshylyq mektepteriniń jumysyn uıymdastyrý;
3. Ólkeniń tarıhı tulǵalary arasynan basshy áıelderdi tanymal etý.