Qytaıda turatyn etnıkalyq qazaq Rıza Álimjanqyzy 27 márte ótkizilgen televızıa salasyndaǵy Feitian Award memlekettik syılyǵynyń ıegeri atandy. Bul týraly qytaılyq The Paper aqparat agenttigi. habarlaǵan.
Aktırısaǵa syılyq "Shan Haı Sın" fılmindegi róli úshin berilgen.
Rıza sahnaǵa shaqqanda kózine jas alyp, uıymdastyrý komıtetine, dostary men kórermenge, fılm rejıseri men túsirilim komandasyna alǵys aıtqan.
Sondaı-aq basylym Rıza qazaq tilinde alǵys bildirgisi keletinin aıtty dep jazady. Alaıda aktrısanyń syılyq alǵan sáttegi sózinde qazaqsha sóılegen jeri joq, qıyp tastaǵanǵa uqsaıdy.
Informbúro saıtynyń málimetinshe, Rıza Álimjanqyzy "Sýaıttar shaıqasy", "Garemdegi Chjýan Hýannyń ómiri", "Mahabbat pa, oǵan men daıyn", "Mahabbat buıryqtan asa almaıdy", "Biz ǵana biletin meken", "Shyndyq aıtylmaıtyn aımaq", "Qarly daladaǵy áıel patsha", "Qýǵyndaý" telefılmderi men telehıkaıalaryna túsken. Olardyń ishinde "Qýǵyndaý" fılimindegi róli úshin XX Shanhaı halyqaralyq kıno festıvalinde "BAQ-tyń nazaryn jıi aýdarǵan aktrısa" nomınasıasynda marapattalsa, "Chańandaǵy bir táýlik" atty telefılmindegi róli úshin Qytaıdyń Huading baıqaýynda eń "úzdik aktrısa" atanǵan.
