Reseıdiń Azıa-Tynyq muhıt ekonomıkalyq yntymaqtastyq uıymyndaǵy ókili Kırıll Barskıı Qazaqstan Máskeýdiń postkeńestik ekonomıkalyq odaq qurý men eýrazıalyq seriktestik aıasyn keńeıtý týraly josparlaryna degen entýzıazmyn joıdy degen pikir birdirgen. The Epoch Times basylymy Barskııdiń sózderi Máskeýdiń Azıa aýmaǵynda antıbatystyq koalısıa qurýǵa talpynysy tekke kete me degen qorqynyshyn ańǵartady dep jazdy.
"Bizdiń odaq ishinde birqatar problemalar bar. Qazaqstan sońǵy kezde Eýrazıalyq ekonomıkalyq odaq pen "Úlken Eýrazıa" jobalaryna qatynasýyn tejeı bastady. Bul alańdatarlyq jaıt" dedi Barskıı Reseı parlamentinde syrtqy saıasat jóninde ótken konferensıada.
Kırıll Barskıı Reseı máselege nazar aýdaryp, Qazaqstan uıym jumysyna belsendi aralasýy úshin ne kerektigin anyqtaýy qajet dep sanaıdy.
The Epoch Times Qazaqstan Reseı jetekshilik etetin bloktardaǵy jumysyn báseńdetýge nıetti ekenin eshqashan málimdemegenin, alaıda Ýkraınaǵa basyp kirýine baılanysty Reseıge salynǵan batys sanksıalaryn oryndaýǵa keliskenin jazǵan. Alaıda basylym sheteldik kompanıalar reseılikterge tikeleı ónim satýdy toqtatqandyqtan, Qazaqstannan Reseıge uıaly telefondar sekildi keıbir taýar eksporty artqanyna nazar aýdarǵan.
Pikir qaldyrý