Taldyqorǵanda qańtar oqıǵalarynan keıin azapqa ushyrady dep tanylǵan 24 azamattyń sot prosesterinde de birqatar quqyqtary buzylǵany belgili boldy. Jábirlenýshi azamattar múddeleri obektıvti qaralmaı jatyr, ókilderimen qupıa kelissóz júrgizý úshin jaǵdaı jasalmaǵan, sot otyrysy zaly tar degen shaǵymdarymen Adam quqyqtary jónindegi ýákil Elvıra Ázimovaǵa júgingen.
Sot prosesteri ótken aldyń tarlyǵy sonshalyq, jábirlenýshiler men sottalýshylarǵa bir oryndyq berilgen. Sonyń kesirinen sottalýshylar sotta otyryp jábirlenýshilerge moraldyq jáne psıhologıalyq qysym jasaǵan.
Sondaı-aq jábirlenýshiler sot prosesinde sınhrondy aýdarma bolmaǵanyna, sot talqylaýynyń barysyn baqylaıtyn adam quqyqtary jónindegi ulttyq ortalyq qyzmetkerleriniń isti qaraý tártibiniń bolmaýyna da shaǵymdanǵan.
Adam quqyqtary jónindegi ýákildiń baspasóz qyzmeti Elvıra Ázimova Joǵarǵy Sotqa sapaly sot tóreligin qamtamasyz etý boıynsha sharalar qabyldaý týraly hatpen júginip, qylmystyq ister jónindegi sot alqasynyń tóraǵasy barlyq jol berilgen buzýshylyqtardyń sheshilgeni týraly jaýap kelgenin habarlady.
Sot organynyń jaýabynan sot talqylaýy úlken zalda ótip jatqany, tıisti aýdarmashymen qamtamasyz etý problemalary joıylǵany habarlanǵan.
Budan basqa, sottalýshylarǵa qatysty bultartpaý sharasy bóliginde jábirlenýshi tarap advokattarynyń shaǵymdary ishinara qanaǵattandyrylǵany da aıtylady.
Pikir qaldyrý