Kárim Másimov pen onyń burynǵy orynbasarlarynyń isi sotqa jetti. UQK baspasóz qyzmetiniń habarlaýynsha, qylmystyq is Astana qalasynyń qylmystyq ister jónindegi mamandandyrylǵan aýdanaralyq sotyna joldanǵan.

Aıyptalýshylar K.Q. Másimov (UQK burynǵy tóraǵasy) jáne A.T. Sadyqulov (UQK tóraǵasynyń burynǵy orynbasary) memleketke opasyzdyq jasaý (QK 175-babynyń 1-bóligi), bılikti kúshpen basyp alý (QK 179-babynyń 3-bóligi), aýyr zardaptarǵa ákep soqqan bılik pen laýazymdyq ókilettigin ózine jáne basqalarǵa paıda men artyqshylyqtar alý maqsatynda asyra paıdalaný (QK 362-baby 4-bóliginiń 3-tarmaǵy) degen aıyptar kúdikke ilinip, isteri sotqa jiberilgen.

D.E.Erǵojın (UQK tóraǵasynyń burynǵy orynbasary) bılikti kúshpen basyp alǵany (QK 179-babynyń 3-bóligi), aýyr zardaptarǵa ákep soqtyrǵan bılik pen laýazymdyq ókilettikterdi ózine jáne basqalarǵa paıda men artyqshylyqtar alý maqsatynda asyra paıdalanǵany úshin aıyptalýda (QK 362-baby 4-bóliginiń 3-tarmaǵy).

M.S. Osıpovke (UQK tóraǵasynyń burynǵy orynbasary), D.M. Akıpovqa (UQK departament bastyǵynyń burynǵy orynbasary) jáne N.K. Bekmýratqa (UQK-nyń burynǵy basqarma bastyǵy) Qylmystyq kodekstiń 362-babynyń ártúrli bólikteri boıynsha aıyp taǵylǵan.

Qylmystyq is "óte qupıa" belgisimen tergelgen jáne sotta da osy tártipte qaralady. 

Eske salaıyq, Ulttyq qaýipsizdik komıtetiniń burynǵy tóraǵasy Kárim Másimovke qatysty bıyl 6 qańtarda UQK Qazaqstan Respýblıkasy Qylmystyq kodeksiniń 175-baby 1-bóligimen memleketke satqyndyq deregi boıynsha sotaldy tergeý bastalǵan. Bıyl naýryzda bas prokýror Berik Asylov Ulttyq qaýipsizdik komıtetiniń burynǵy tóraǵasy men onyń úsh orynbasaryna, eki bólimshe bastyǵyna qatysty birneshe is qozǵalyp, tergelip jatqanyn aıtty.